Laufásprestakall

Öskudagur í safnaðarstofunni á Grenivík

Bolli Pétur Bollason — Wed, 22 Feb 2012 13:32:17 +0000

Öskudagur er kirkjudagur. Þá hefst langafasta. Dagurinn er hins vegar hinn litskrúðugasti og talsvert af sætindum koma við sögu. Krakkarnir á Grenivík heimsóttu kirkjuna á öskudaginn í allskonar búningum, þarna voru bófar og mafíósar, pappakassar og hrútspungar o.s.frv. Krakkarnir tóku lagið og var Daginn í dag mjög vinsælt í kirkjunni. Síðan gengu skrautlegir kvistir út úr safnaðarstofunni á Grenivík með Jesúmyndir og Síríuslengjur. Er ekki gaman að lifa?

Skjálfandi og kyrrðarstund í Þorgeirskirkju

Bolli Pétur Bollason — Tue, 21 Feb 2012 14:48:23 +0000

Æskulýðsfundur hjá æskulýðsfélaginu Skjálfanda verður í Þorgeirskirkju að kvöldi öskudags 22. febrúar kl. 19.00. Umræða um æskulýðsmót á Hrafnagili næstu helgi, vöfflur og leikir. Opin kyrrðarstund í lokin kl. 20.30. Hugljúfir tónar og bænir. Sjáumst í Þorgeirskirkju!

Kirkjuskóli í Lundarbrekkukirkju

Bolli Pétur Bollason — Mon, 13 Feb 2012 10:35:10 +0000

Kirkjuskóli verður í Lundarbrekkukirkju í Bárðardal laugardaginn 18. febrúar kl. 14.00. Biblíusaga, biblíumynd, Hafdís og Klemmi, brúður koma í heimsókn og söngur fyllir kirkju og dal. Þið eruð öll svo hjartanlega velkomin, háir sem lágir, stórir sem smáir. Sjáumst í kirkjuskólanum!!

Biblíudagur í Þorgeirskirkju

Bolli Pétur Bollason — Fri, 10 Feb 2012 16:59:12 +0000

Biblíudagurinn verður haldinn hátíðlegur í Þorgeirskirkju með messu sunnudaginn 12. febrúar kl. 14.00. Gengið verður að borði Drottins og munu verðandi fermingarbörn taka virkan þátt í þeirri göngu með ástvinum sínum og söfnuði en fermingar nálgast víst óðfluga. Dagný Pétursdóttir organisti og kórstýra leiðir sálmasönginn og kirkjukórinn verður þar jafnframt í lykilhlutverki. Molasopi í safnaðarstofu að lokinni stund. Verið öll hjartanlega velkomin!

Messur 5. febrúar

Bolli Pétur Bollason — Mon, 30 Jan 2012 08:59:30 +0000

Messur verða á Grenivík og Svalbarðsseyri sunnudaginn 5. febrúar. Í Grenivíkurkirkju verður messað kl. 14 og á Grenilundi verður stund kl. 16. Kvöldmessa verður í Svalbarðskirkju kl. 20.30. Vakin skal sérstök athygli á því að ekki verður messað í Svalbarðskirkju kl. 11 heldur um kvöldið kl. 20.30. Lögð er rík áhersla á að fermingarbörn mæti með ástvinum sínum og gangi til altaris en nú líður að fermingum! Hjörtur Steinbergsson organisti stýrir tónlistinni og kirkjukórarnir syngja. Verið öll hjartanlega velkomin!!

Skjálfandi og kyrrðarstund

Bolli Pétur Bollason — Tue, 24 Jan 2012 17:43:54 +0000

Æskulýðsfélagið Skjálfandi verður með fyrsta fund sinn á nýju ári í Þorgeirskirkju miðvikudaginn 25. janúar kl. 19.00. Á fundinum verður æskulýðsmót á Hrafnagili 24.-26. febrúar kynnt. Öll ungmenni í 8.-10. bekk velkomin! Æskulýðsfundurinn endar á kyrrðarstund kl. 20.30 sem er öllum opin. Sjáumst í kirkjunni!

Fermingarbörn og dagar 2012

Bolli Pétur Bollason — Mon, 09 Jan 2012 12:40:34 +0000

Vakin skal athygli á fermingarbörnum og dögum árið 2012 en nánar má kynna sér það þegar farið er inn á link hér hægra megin á síðunni.

Kirkjustarfið hefst 15. janúar

Bolli Pétur Bollason — Sun, 08 Jan 2012 19:50:32 +0000

Kirkjustarfið í Laufásprestakalli hefst aftur á nýju ári 15. janúar með sunnudagaskólum í Svalbarðskirkju kl. 11.00 og Grenivíkurkirkju kl. 13.00. Allir velkomnir!

Helgihald um áramót

Bolli Pétur Bollason — Fri, 30 Dec 2011 14:04:47 +0000

Aftansöngur í Grenivíkurkirkju á gamlárskvöld kl. 18.00. Kirkjukórinn syngur undir stjórn Hjartar Steinbergssonar.

Nýársguðsþjónusta í Draflastaðakirkju 2. janúar 2012 kl. 14.00. Kirkjukórinn syngur undir stjórn Dagnýjar Pétursdóttur.

Verið velkomin og gleðilegt nýtt ár!

Jólakveðja

Bolli Pétur Bollason — Sat, 24 Dec 2011 10:20:08 +0000

Kæru sóknarbörn í Laufásprestakalli og aðrir landsmenn!

Yður er í dag frelsari fæddur! Guð gefi ykkur heilaga og bjarta jólahátíð og farsæld og frið á nýju komandi ári 2012. Sóknarprestur.